Deklarate zyrtare:
Nisur nga interesi i larte i besimtareve , mediave, dhe opinionit publik, lidhur me hapjen e diskutimit per themelimin e "Sovranitetit te Urdherit Bektashi" ne Tirane, Komuniteti Mysliman i Shqiperise deklaron se me poshte vijon:
Komuniteti Mysliman i Shqiperise eshte perfaqesuesi i vetem dhe zyrtare i fese islame ne Shqiperi.
KMSH ka tre komponente themelore mbi te cilet ushtron veprimtarine e saj ne Republiken e Shqiperise mbi nje shekull, te cilat jane:
1.Kur'ani Famelarte, fjala e Zotit te Gjithesise,
2.Tradita Profetike
3.Kushtetuta e Republikes se Shqiperise
Ne kete kontekst, ne shprehim shqetesimin tone lidhur me deklaratat publike ku flitet per "Islam modern" apo "Islam shqiptar" apo edhe per shtet Islam brenda republikes tone.
Keto tema nuk kane asnje lidhje me Islamin si fe, e cila eshte universale dhe bazohet mbi Kur'anin dhe Traditen Profetike dhe respekton kushtetutat e ligjet ne cdo vend ku ben pjese.
Komuniteti Mysliman i Shqiperise eshte institucioni nen ombrellen e te cilit kane qene dhe do te vijoje te jene te perfaqesuar te gjitha tarikatet derivate.
Ky ka qene edhe qellimi i dijetareve myslimane te cilet kane punuar per nje Shqiperi te pavarur, laike dhe multi fetare.
Komuniteti Mysliman eshte mazhoritar ne Republiken e Shqiperise dhe nje nder kontribuesit kryesor te dielogut e harmonise fetare ne vend.
Ky komunitet nuk e ka cilesuar kurre harmonin e dialogun si "domain" te tijin, pasi kjo vlere e jashtezakonshme qe ekziston ne vendin tone eshte kontribut i secilit dhe i te gjitheve bashke.
Ne kete kuptim, vendi yne nuk ndodhet perballe ndonje rreziku te prishjes se harmonise e dialogut, perkundrazi, nisma te tilla mund te jene nje percedent i rrezikshem per te ardhmen e vendit.
Te gjitha fete abrahamike ne thelbin e tyre kane si qellim ti sherbejne rruges se Zotit dhe te japin kontributin e tyre ne shoqeri, siç bejne prej mijera vitesh.
Kjo nisme per te cilen jemi njohur permes medias eshte e pakonsultuar me komunitetet fetare, te cilat per te tilla raste kane ngritur edhe nje isntitucion te veçante, te lavderuar nga te gjitha vendet Perendimore, siç eshte Keshilli Nderfetare i Shqiperise.
Sa me lart sqaruam, ne sigurojme besimtaret mysliman ne Republiken e Shqiperise se do t'i perfaqesojme ata dhe çdo besimtar te cilitdo tarikati, ashtu siç kemi bere deri me sot, edhe ne vijim.
Ne do te vijojme ta ndjekim me vemendje kete çeshtje dhe do te nderrmarrim hapat e nevojshme konform Kushtetutes dhe ligjeve te vendit tone.
Burimi: https://www.kmsh.al/deklarate-zyrtare/
Ky lajm eshte dhene per here te pare nga The New York Times . Raportim i bere nga Tirana nga Andrew Higgins (21.09.2024) Per me shume hap linkun: https://www.nytimes.com/2024/09/21/world/europe/albania-tirana-muslim-state-bektashi.html
