 |
| Xhamia Kodër Hani - Pukë |
Tregojne te paret se rreth vitit 1836 rreth 30 barinje te armatosur nga nje fshat tjeter paskan fut 300 dhitë e delet ne kullotat e Terbunit . Per kete pukjanet iu ankuan Ali Ags e Halil Laçit. Keto te dy vendosen qe; te dielen te dergojme ne dike ne fshatin qe kishin fut delet dhe ti pyesin: Pse keni hyre ne Terbun? A ju kemi gja borxh ? Gj..D i paska thane: Kam hy me 30 pushke te gjata !
Pas marrjes se kesaj pergjigjeje, Puka priti diten e festes se Bajramit ku mblidheshin katundet fqinje per te fal bajramin ne xhamin e Koder Hanit, dhe mbasi perfunduan dhe dolen nga xhamia u kuvendun (1) per ate qe kishte ndodh. U vendos qe te bashkohen e te mbyllet kjo pune pa gjakderdhje. Iu ban Pukes 420 pushke , aq sa kishin ardh ne xhami.
Si iu afruan vathit qe kishte hyre ne Terbun , qiten me pushke perpjete te gjithe njeheresh. Ushtoi bjeshka prej pushkeve. Çoban kishin mbet pak pasi kujtonin se nuk do vinte Puka diten e festes se Bajramit. Ata çoban qe kishin mbet iken dhe lan bagetin vetem. Puka mori pre çoban e bjeshkatar bashke me gjan e gjalle. I mbajten per tre dit. Pren 30 bageti si pashtrak bjeshke. Ndermjetesuan krenet e vendit dhe ua leshoi Puka bagetin me kusht qe te mos i fusin ma. Me aq u mbyll grindja.(2)
______________
1. Kuvend; Eshte bashkim i burrave te nje vllaznie, fisi, katundi, bajraku, dheu apo mali qe peshon dhe i jep rruge cdo pune qe u perket te gjitheve tym per shpi. Te zotet e shpive jane: "Burrat e Dheut" ne Kuvend. Ne pamundesi me shku i zoti i shtepis ai dergon ne kambe te vet nje pjestar te shtepise. Ndaj ne Puke , Kabash etj vijon te perdoret thenia: "Po ku je , bre Burri i Dheut?!"
2. Prej asaj dite u risqarua Kanunisht se: "Kullotat e nje katundi mbrohen katundisht."
